[★]生活中就是少不了日劇,,　

陳奕迅直指濱崎步香港個唱有三分之一咪嘴後，惹來軒然巨波，不少網民及「步迷」向他口誅筆伐，更發起罷買陳奕迅唱片行動！
陳奕迅（Eason）欣賞步姐演唱會後，指她「咪得好好」，此言一出即惹來連串爭議！不少網民力撐步姐冇咪嘴，指她是亞洲第一天后，有如此功架是實力使然，為開騷操至有腹肌，比起Eason的肚腩更是得來不易，還質疑Eason為何都聽到步姐咪嘴。「步迷」更認為Eason身為人父，理應慎言，亦有部分網民及讀者發電郵到各大傳媒筆伐Eason，又要求他公開道歉，還發起罷買Eason唱片行動，並希望步姐日本的唱片公司向Eason提出訴訟！芸芸反對聲音中，不乏粗言穢語。

「年年都有驚人言論」
當然亦有不少網民出言力撐Eason，有Fans留言「唔通咪嘴都要讚」及「他都不過是直話直說，每個人都有自己的意見」。其實日前Eason已解釋睇步姐演唱會「睇到」，全因工作太忙，當時已深表歉意。對於「步迷」如此激動，陳奕迅經理人陳家瑛卻表現冷淡：「我唔會作咩回應，大家知佢係咩人，好Straight Forward（直接），感覺到咩就講咩，年年都有驚人言論，都唔明幾句做到咁大，覺得係你（傳媒）推波助瀾。」

至於一向唱得的肥媽則說：「係唔係咪嘴好易Find Out，支持偶像都要冷靜，唔可以盲目。」而曾懷疑步姐「咪嘴」的關心妍則說：「我好明白Fans維護偶像心態，但唔好咁激動，少少討論！佢表現真係好精彩，係咪『咪嘴』冇人知，總之Enjoy個騷。」黃高則說：「如果因為視覺上有需要，都冇可厚非，但如果刻意『咪嘴』就唔係咁好，如果入場Fans覺得睇係重要過聽，咪冇所謂。」